''Տաճար կ՛երթանք ոչ թէ ծէս մը կատարելու այլ զԱստուած պաշտելու համար''` ըսաւ Ֆրանչիսկոս
Պապը այսօրուայ իր քարոզին մէջ։
Ուրբաթ, 21 նոյեմբերի առաւօտեան մատուցած սուրբ պատարագի ընթացքին արտասանած իր քարոզին
մէջ, Ֆրանչիսկոս քահանայապետը հաստատեց թէ Տաճարը սուրբ վայրն մէն է ուր կարեւորը ծիսակատարութիւնը
չէ այլ զԱստուած պաշտելն է։ Տաճարը քարէ տունն է ուր ժողովուրդ մը կը պահպանէ իր
հոգին Աստուծոյ առջեւ։ Սրբութեան տաճար է նաեւ ամէն մէկ անհատի մարմինը որուն սիրտը կ՛ունկնդրէ
Աստուծոյ խօսքերը - ըսաւ Քահանայապետը - ակնարկելով թէ քրիստոնեաները յաճախ կորսնցուցած
են տաճարի եւ պաշտամունքի իսկական իմաստը։ Աստուծոյ հետեւիլ բիւրեղացում կը պահանջէ
եւ այդ բիւրեղացումին կարելի է ձգտիլ աղօթքով եւ ապաշխարութեամբ, Խոստովանանքի եւ Սուրբ
Հաղորդութեան խորհուրդներով։ Այս երկու տաճարներուն մէջ - նիւթական եւ հոգեւոր - Սուրբ
Հոգին կը բնակի։ Թող Տէրը մեզի ցոյց տայ տաճարի իսկական իմաստը որպէսզի կարենանք յառաջ
ընթանալ մեր պաշտամունքի եւ Աստուծոյ խօսքին ունկնդրութեան կեանքի ուղեւորութեան մէջ
- եզրափակեց Ֆրանչիսկոս Պապը։